Një person ka vdekur dhe një tjetër është lënduar dje në Istog, pasi që duke prerë dru në një pyll është rrëzuar një lis dhe janë goditur nga degët e lisit, raporton Policia e Kosovës.

Sipas Policisë, njësitet relevante kanë dal në vendin e ngjarjes, ku mjeku kujdestar ka konstatuar vdekjen e njërit prej viktimave, shkruan Arbresh.info.

Viktima tjetër është dërguar në Spitalin e Pejës për tretman mjekësor.

Me vendim të prokurorit, trupi i pa jetë i viktimës dërgohet në IML për obduksion.

“Istog 11.11.2023-15:00. Raportohet se dy viktimat meshkuj kosovar, deri sa kanë qenë duke pre dru në pyll, gjatë rrëzimit të një lisi, janë goditur nga degët e lisit dhe si pasoj të njëjtit kanë pësuar lëndime trupore. Në vendin e ngjarjes kanë dal njësitet përkatës, ku mjeku kujdestar ka konstatuar vdekjen e njërit prej viktimave, ndërsa tjetri dërgohet në spitalin e Pejës për tretman mjekësor. Me vendim të prokurorit, trupi i pa jetë i viktimës dërgohet në IML për obduksion”, thuhet në raportin 24 orësh të Policisë së Kosovës./Arbresh.info